Peshwe – पेशवे

Description

मराठी राज्यातील पेशवे या पदाबद्दल इंग्रजांच्या राज्यात चुकीची माहिती देण्यात आली.पेशव्यांबद्दल तपशिलाने माहिती देणारी पुस्तके फारशी उपलब्ध नाहीत. पेशवे या पुस्तकात पेशव्यांच्या उदयापासून ते अस्तापर्यंत सर्व माहिती दिली आहे. पेशवे घराण्याची कारकीर्द,त्यांची वंशावळ, नाटकशाळा,पेशवाईचा कारभार, महसुली व्यवस्था, सण आणि समारंभ, चलन यांची माहिती या पुस्तकात आहे. अशी होती पेशवाई या प्रकरणामध्ये त्या वेळची समाज व्यवस्था, मोहिमा कशा चालत, कुणाचे किती सैन्य होते, भौगोलिक तपशील, अन्य रिवाज याची माहिती मिळते.
त्याचबरोबर त्या काळात आंतरराष्टीय स्तरावर काय परिस्थिती होती, कुणाचे कुठे राज्य होते याची लेखकाने माहिती दिली आहे. त्यामुळे तौलनिक अभ्यास करण्यासाठी हे प्रकरण महत्वाचे आहे.
इंग्रजांच्या कुटील नीतीला शेवटचा बाजीराव पेशवा कसा बळी पडला, पेशवे व शाहू महाराज यांचे संबंध, पेशव्यांचे नातेवाईक, पुढील पिढया, नानासाहेब पेशवे यांच्या काळात पेशवाईचा अंमल कसा देशभर पसरला होता हे या पुस्तकात कळते.
भट घराण्याची १०५ वर्षांची सत्ता, पेशवाईतील सामाजिक स्थिती आणि पेशव्यांचे कुटुंब याची माहिती देण्याचा लेखकाने प्रयत्न केला आहे. त्यामुळे हे पुस्तक शोधनिबंधासारखे झाले आहे.